P3.8 billion maintenance deal sa pagitan ng MRT-3 at Busan Universal Rail Inc. (BURI)..mga pekeng pyesa ang ginagamit kaya ang resulta, MRTirik.
Kinalampag ng husto kahapon ni Puwersa ng Bayaning Atleta (PBA) Party-list Rep. Jericho Nograles ang Department of Justice (DOJ) upang panghimasukan na ng National Bureau of Investigation (NBI) ang korapsyon sa Metro Rail Transit (MRT) Line 3 para matukoy ang utak ng pagpapalit ng mga pekeng piyesa nito na siyang ugat kung bakit laging may aberya ang operasyon nito.
Sinabi ng kongresista na ang pag-usok ng isang bagon ng MRT-3 noong Biyernes, Enero 26,at iba pang aberya ay sinasabing sanhi ng ‘electrical glitch’ na resulta hindi lamang ng hindi maayos na pagmamantine kundi ang pagkakasalpak ng ‘incompatible components’ o hindi akmang piyesa sa MRT-3 system.
Si Rep.Nograles ang nanguna sa paglalantad ng mga anomalya sa likod ng P3.8 billion maintenance deal sa pagitan ng MRT-3 at Busan Universal Rail Inc. (BURI).
Binigyang-diin ng kongresista na magpapatuloy ang pagpalya at pagkasira ng MRT-3 kahit tinapos na ang maintenance contract ng BURI dahil ang kritikal at importanteng piyesa nito gaya ng orihinal na Vehicle Logic Units (VLU) ay pinalitan ng mga peke.
Ang importante aniya ngayon ay mabaklas ang mga pekeng piyesa at maikabit ang mga orihinal na pyesa nito.
Sinabi ng kongresista na Kailangan na umanong magpasaklolo ang tanggapan ni Department of Transportation (DOTr) Secretary Arthur Tugade sa DOJ upang matukoy kung bakit at paano nangyari na isa lamang sa 73 tren ng MRT-3 ang kargado ng orihinal na Bombardier VLU na nagsisilbing utak at primary automatic safety device ng MRT-3 Light Rail Vehicles (LRVs).
“I believe last September nag-breakfast kami ni Secretary Tugade, at tinanong n’ya ako kung ano ang dapat gawin sa MRT-3. Ang aking suggestion sa kanya back then ay dapat may full system audit dahil duda ko, lahat ng mga parts ng MRT-3 ay chop-chop dahil sa mga previous maintenance providers,” ayon kay Nograles.
“The VLU is a very important component of the LRV. The glitches on the MRT-3 including the fire that broke out in one of the coaches recently is a result of incompatible parts that were installed on the train system,” ito ang mariing pahayag ni Nograles.
“Whoever is responsible for removing the original parts and replacing them with fake ones should be held criminally liable. I think that NBI should already step in and get into the bottom of this,” dagdag pa ng kongresista.
Ayun kay Nograles base sa mga dokumentong nakalap umano niya, lumilitaw na ang car number 63 ang may angkop na piyesa at naaakma sa MRT-3 VLU na gawa ng Canadian firm Bombardier Transportation Signal Ltd.
Kaduda-duda aniya, ayon kay Nograles na walang kahit isang opisyales ng MRT-3 gayundin sa dating maintenance provider ang makapagpaliwanag kung bakit binaklas ang Bombardier VLUs, kung kailan ito tinanggal at sino ang nag-utos para alisin ito.
“This is a big mystery that the NBI should solve as soon as posible. There is something very sinister on this removal of the VLUs and the people behind it should be held criminally liable. If the Bombardier VLUs were defective, why didn’t they ask Bombardier to fix or replace them instead of installing fake parts?” batay pa kay Nograles.
“This is a big mystery that the NBI should solve as soon as posible. There is something very sinister on this removal of the VLUs and the people behind it should be held criminally liable. If the Bombardier VLUs were defective, why didn’t they ask Bombardier to fix or replace them instead of installing fake parts?” batay pa kay Nograles.
Ayon sa report, magugunita na ang pagmamantine sa MRT-3 ay dating minamando ng Japanese firm na Sumitomo pero nang pumasok ang administrasyong Aquino ay pinalitan at hinawakan ito ng iba’t ibang kompanya gaya ng PH-Trams-CB&T na sinundan ng Global Epcom-Apt at Global EpCom-SBI-CB&T.
Mga Komento
Mag-post ng isang Komento