To CPP-NPA-NDF, Wala ng REBELLION..kundi mga TERRORISTA kayo! Giyera na lang tayo - DUTERTE

MANILA, Philippines — Tuluyan ng kinansela ng gobyernong Duterte ang peace talks nito sa lahat ng sangay ng Communist Party of the Philippines-New People’s-Army-National Democratic Front (CPP-NPA-NDF).
Inanunsiyo kahapon ni Presidential Peace Adviser Jesus Dureza na isinasara na ng gobyerno ang usapang pangkapayapaan sa communist movement gaya ng kautusan ni Pa­ngulong Duterte.

“We are hereby announcing today the cancellation of all planned meetings with the CPP/NPA/NDF in line with President Duterte’s directive that there will be no more peace talks with them. Recent tragic and violent incidents all over the country committed by the communist rebels left the President with no other choice but to arrive at this decision. We take guidance from the President’s recent announcements and declarations,” pahayag ni Dureza.

Wala na ring ipatutupad na ceasefire sa kapaskuhan habang tuloy ang opensiba laban sa mga rebeldeng komunista.

Ang unilateral ceasefire ay inoobserbahan ng tropa ng militar at pulis­ya sa grupo ng NPA rebels bilang pagbibigay diwa sa kapaskuhan kung saan binibigyang pagkakataon ang mga rebelde na magsibaba sa kabundukan at bumisita sa kanilang mga mahal sa buhay.

Ayon kay Dureza, ipinaabot na rin nila ito sa mga opisyales ng NDF sa The Netherlands gayundin sa Norwegian government.

Magugunita na kamakalawa ng gabi ay inanunsyo ni Pangulong Duterte na hindi na siya interesadong makipag-usap sa CPP-NPA-NDF at inutusan na niya sina Sec. Dureza at Sec. Silvestre Bello III na wakasan na ang peace talks sa grupong ito.

“Sinabi ko kay Dureza pati kay Bello, you tell the guys there sa Netherlands, I’m no longer available for any official talk. Giyera na lang tayo. So I have to build a strong army,” wika pa ni Pangulong Duterte.

Idinagdag pa ng Pangulo na idedeklara nyang terrorista ang NPA at lahat ng sangay nito at binantaang ipaaaresto nya lahat ng mga sangay nito. Sinabi din nya na lahat ng mga Minings company na nagbibigay ng revolutionary tax sa NPA ay ipahihinto nya ang operasyon nito at ipapaaresto.

"Beggining from now wala nang Rebellion Rebellion..because REBELLION is a bailable offense. We will file TERRORISM, MURDER lahat, ARSON with MURDER." Ito ang pahayag ng Pangulong Duterte sa kanyang talumpati sa harap ng mga sundalo.

Ayon sa mga ulat ng pagkakatanda, hindi ito ang unang pagkakataon na sinabi ito ng Pangulo kundi apat na beses nya na itong nabanggit sa kanyang mga talumpati at ito ay nagpapahiwatig na talagang seryoso ang Pangulo at talagang gigil na sya sa mga ginagawa ng grupong itinuturing nya ngayong terrorista.

Magugunitang mayroong insidente na may nadamay na sanggol at napatay ito sa isang opensiba ng NPA na syang lalong ikinagalit ng Pangulo.
Sa ngayon, pormalidad na lamang ang hinihintay sa pamamagitan ng isang resolution from the office of the President upang ganap ng maideklarang terrorist ang CPP/NPA?NDF.

Mga kababayan, ano po ang opinyon ninyo sa hakbang na ito ng pamahalaan, sang-ayon po ba kayo o tutol sa derektibang ito ni Pangulong Duterte.