Ayon sa mga reliable source sa staff ng mga kongresista, “formality” na lang ang impeachment hearing at walang ibang pakay kundi ang siraan at hiyain si Sereno.
Bago pa man nagsimula ang impeachment hearing sa Mababang Kapulungan ng Kongreso para sa pagpapatalsik kay Supreme Court (SC) Chief Justice Maria Lourdes Sereno ay nakalatag na diumano ang gagawin ng mga kongresista.
Pinadalhan umano lahat ng mga pro-administration na kongresista ng outline o script kung paano isasagawa ang impeachment hearing.
Una, hindi bibigyan si Sereno ng karapatang ipagtanggol ang kanyang sarili. Hindi rin papayagan si Sereno na magsama ng abogado upang magpayo sa kanya, at hindi rin siya hahayaang mag-cross examine sa mga tetestigo laban sa kanya.
Dagdag pa ng isa sa tatlong source, ang unang tetestigo laban kay Sereno ay isang psychologist na isisiwalat ang psychological profile ng Punong Mahistrado.
Papalabasin diumano na may diperensiya sa pag-iisip si Sereno.
Kasunod nito ay isang dalubhasa sa Statement of Assets, Liabilities, and Net Worth (SALN) ang magbibigay ng isang presentation sa mga teknikalidad ng paghahain ng SALN.
Hinala ng mga source na susubukang gawing isyu ng SALN expert ang luxury vehicle na ginagamit ni Sereno.
Ang huling magsasalita diumano ay si Associate Justice Teresita Leonardo-De Castro na napag-alamang may personal na galit kay Sereno dahil hindi inaprubahan ng Punong Mahistrado ang kanyang request na gamitin ang pondo ng SC para sa kanyang first class flight sa ibang bansa.
Isa rin si De Castro sa mga nilaktawan ni dating Pangulong Benigno Aquino III nang italaga nito si Sereno bilang Punong Mahistrado noong 2012.
Sinabi ng mga source na ang testimonya ni De Castro ay itatratong parang privilege speech na binibigay lamang sa mga kongresista at senador tuwing may session.
Sa kanyang talumpati, puwede siyang magsalita ng kahit ano, totoo man o hindi, at hindi siya maaaring ihabla o maparusahan.
Isiniwalat din ng isa pang source na ang mga kongresistang magpapahiya kay Sereno ay mabibigyan ng pabuya sa pamamagitan ng Disbursement Acceleration Program (DAP), na personal na ibinibigay ng Malacañang sa mga distrito o kongresistang nangangailangan nito.
Nakatakdang magsimula ang impeachment hearing ng Kamara sa Nobyembre 22 at nais diumano ng Malacañang na matapos ang pagpapatalsik kay Sereno bago dumating ang Disyembre 16.
Totoo man ang mga balitang ito galing sa isang source..Ang tanong, may karapatan pa ba si Sereno na manatili sa pwesto gayong sya ay appointee ni Former Pres.Aquino? Hindi ba siya ay malinaw na hadlang sa pamahalaang Duterte sa pagsusulong ng mga pagbabago sa ating bansa?
Bilang pinakamataas na punong mahestrado, malaki ang magagawa nya upang hadlangan ang tagumpay ng administrasyong Duterte dahil malinaw na ang interes nyang isinusulong ay pabor sa Aquino administration. Sa kapakanan ng ating bayan, para sa akin ay kailangang may magsakripisyo para sa ikabubuti ng higit na nakakarami at hindi ng iilang tao lamang na maliwanag na kasakiman sa kapangyarihan ang dahilan.. Kayo po mga kababayan, ano ang inyong opinyon sa bagay na ito?
Mga Komento
Mag-post ng isang Komento